मधेशदृष्टि
बारा ।
नेपाली कांग्रेस विश्रामपुर गाउँपालिका कमिटी क्षत्र नम्बर ४ को आयोजनामा विश्रामपुर–२ बरैनिया बजारमा छठ पर्वको उपलक्ष्यमा शुभकामना आदानप्रदान तथा चियापानसँगै पार्टी प्रवेश कार्यक्रम भएको छ ।
नेपाली कांग्रेस विश्रामपुर गाउँपालिका वडा नम्बर २ का सभापति इस्लाम मियाँको अध्यक्षता तथा नेपाली कांग्रेस जिल्ला कार्यसमिति बाराका उपसभापति अमिरीलाल पालको प्रमुख आतिथ्यत र नेपाली कांग्रेस बारा निर्वाचन क्षेत्र नम्बर ४ ख का सभापति लोकेश सिंहको विशिष्ट आतिथ्यतामा कार्यक्रम भएको हो ।
कार्यक्रममा विश्रामपुर–३ का वडा अध्यक्ष शिवचन्द्र यादव, नेपाली कांग्रेस बाराका पूर्व जिल्ला उपसभापति सुरेन्द्र गुप्ता, विश्रामपुर गापा उपसभापति मोहन साह, नेपाल तरुण दल विश्रामपुरका सभापति सत्येन्द्र प्रसाद कुर्मी लगायतकोले शुभकामना मन्तव्य राखेका थिए । कार्यक्रममा सञ्चालन नेपाल तरुण दल बाराका दिपेन्द्र पटेलले गरेका थिए ।
