मधेशदृष्टि
वीरगंज ।
शैक्षिक भ्रमणका लागि इलामको कन्याम पुगेर फर्कदै गरेको धनुषाको एउटा विद्यालयको बस दुर्घटनामा परेको छ । धनुषाको जनकपुरबाट विद्यार्थी बोकेर इलामको कन्याम पुगेको आइतबार बेलुका कन्यामबाट फर्कने क्रममा रोङ गाउँपालिका– ३ कोल्बुङमा बस दुर्घटनामा परेको हो ।
जिल्ला प्रहरी कार्यालय इलामका प्रहरी उपरीक्षक दीलिप घिमिरेले ना६ख ८४२४ नम्बरको बस मेची राजमार्गबाट करिब तीन सय मिटर तल झरेको बताए । बेलुका ५ः३० बजे बस दुर्घटनामा परेको र बसमा ३७ जना सवार रहेको उनले बताए । बसमा सवारमध्ये ३६ जनाको उद्दार गरी उपचारका लागि बिर्तामोड पठाइएको छ ।
बसमा च्यापिएका थप एक जनाको उद्धार गर्ने प्रयास भइरहेको उनले बताए । थप विवरण आउन बाँकी छ ।
