मधेशदृष्टि
वीरगंज ।
मित्रराष्ट्र भारतको ७९औँ स्वतन्त्रता दिवसको अवसरमा वीरगंजस्थित भारतीय महावाणिज्य दूतावासमा विभिन्न कार्यक्रम गरी उत्साहपूर्वक मनाइएको छ।
शुक्रबार बिहान ९ बजे महावाणिज्यदूत देवी सहाय मीनाद्वारा झण्डोतोलन गर्दै कार्यक्रमको औपचारिक शुरुवात गरिएको थियो । कार्यक्रममा भारतका राष्ट्रपति द्रौपदी मुर्मुले पठाएको राष्ट्रको नाममा सन्देश पनि सुनाइएको थियो । कार्यक्रममा वीरगंजका विभिन्न विद्यालयका विद्यार्थीले देशभक्तिमूलक झाँकी तथा सांस्कृतिक प्रस्तुति देखाएका थिए । विशेषगरी विद्यार्थीहरूले गीत, नृत्य र नाटकमार्फत स्वतन्त्रता दिवसको महत्व दर्शाएका थिए ।
कार्यक्रममा वीरगंजस्थित सुरक्षा निकायका प्रमुख, स्थानीय राजनीतिक दलका नेता, भारतीय समुदायका प्रतिनिधि, सञ्चारकर्मी तथा सरकारी–गैरसरकारी संस्थाका पदाधिकारीहरुसमेत उपस्थित थिए ।
